BOOKCARD.NET

『講古寮』係緊『講古』架埗. 清未係東校場南便.有塊爛地通復星里.

有人搭幾間一連三便簡陋茶寮,每日正午12點前後有大量市民集結.1㸃准時開講, 講古佬上座,擺長檯,驚堂木,茶壼,茶杯.香爐. 講古佬 口沬橫飛,手舞足蹈. 聽眾聽得入神. 香爐㸃香計時收錢,兼中場休息賣花生瓜子.經歷戰火後清拆, 依家『講古寮』變成地名或專欄.

九龍去新界沿途經多座大山, 搭火車捐山窿, 搭汽車要爬山, 爬山落山,左轉右轉, 先到新界,, 沙田, 大埔, 粉嶺, 上水. 風景幽美, 空氣新鮮, 西人鐘意係庶起別墅, 禮拜六禮拜奉旨嘆世界, 坐汽車去別墅, 打哥夫, 玩音樂,

但係香港至新界, 必經過條猛鬼橋. 係沙田仝大埔之間, 條橋搭係半山, 長三丈. 山勢險峻, 峰迴路轉.年中吾少汽車失事, 連車帶人, 錄录落山坑當堂變鬼, 歷年死於橋底過百人, 冤鬼太多, 天未黑現身, 揾人替身.

戰前德利洋行大班『摩斯』, 揾到大把貨, 係粉嶺起閒別墅歎世界, 休假奉旨仝老婆去粉嶺別墅, 司機『李炳』忠實, 『摩斯』賞賜有加『李炳』聲行家話, 猛鬼橋好猛鬼, 時時出蒞揾人替身, 『李炳』保, 每次駛過, 必萬分小心, 缓慢駛過.

『亞奇老竇生亞奇』『摩斯』適蓬禮拜六放晏晝, 諗住仝老婆仔去粉嶺別墅度假,『摩斯』有些少事務延至晏晝四點出車, 『李炳』揸車由佐敦道碼頭過海, 跟住彌敦道, 青山道一路駛上, 駛至山上, 暮色迷離, 黑雲出岫.

揸至離猛鬼橋五六十丈,斜路收油, 李炳離遠望見有一鬼佬企正橋中, 神高神大, 將近揸埋, 望真個鬼佬, 身材高大,頭仔細細,黑影緾罩.

李炳當堂剎停臺車大呌: 有鬼.

摩斯: 哈嘮! 做乜唔去!

李炳一指橋上: 摩斯腥! 你睇嚇, 見吾見!

摩斯一睇: 冇事去囉有鬼都要去, 吾通響庶過夜咩?

李炳冇謁, 著大燈, 入一波, 吊住極力子 揸上橋,将近黐埋身,鬼嘩一聲,直撲車內.李柄一驚, 左腳一鬆, 成架車鏟落山坑. 當堂散架. 李柄大呌, 好彩天未黑齊. 後面有車蒞. 稳人救起.

『亞奇老竇生亞奇-奇上加奇』,『李炳』仝『摩斯夫人』毛都冇甩條,但係『摩斯』眼耳口鼻 五孔出血,當堂瓜得.

等朝,港府開堂研究,㸃解同一部車.『李炳』仝『摩斯夫人』冇傷,而『摩斯』慘死,研蒞研去都未知死因,好彩『摩斯夫人』做證,吾係會話『李炳』謀殺.

『三水佬睇走馬燈-陸續有蒞』,繼續發生事故. 後蒞工務司擬定計畫, 鏟平山尖, 令辟山道, 避開猛鬼橋.

功夫門派,除『洪劉蔡李莫』五大名家外, 仲有『詠春派』『嶺東派』『白鶴派』『蔡李佛派』等,羊城禪城一帶工商業發達,武館徒弟以工人為多,日頭翻工,夜晚先有時間練功夫,獅虎教徒極嚴,坐係橫頭櫈,手撚四孖藤鞭, 指揮紮馬打樁, 徒弟稍有吞泡, 一句『丟那媽』, 鞭隨聲下, 皮破血流. 慈祥師母整定『煲粥』仝『燒買』,等徒弟練功後喫宵夜,所以『練功夫』又叫『喫夜粥』.

清同治年間, 禪城四衙門『分府衙門』『五斗司衙門』『都司衙門』『千總衙門』拱衛.另設軍械火藥庫,專門製造火藥,規模偉大,連羊城守軍火炮火藥, 均由此庫供給. 當時官史都驚意外發生, 波及百姓, 特設係禪城郊外, 柵下文塔腳附近.

庫內雇工仔百廿人,日夜開工,伙頭『亞均』負責煮兩餐,飯焦哨水照例入下欄, 歸火頭所有, 百廿人飯量, 飯焦相當可觀,山大斬埋架,『亞均』家肥屋潤. 憑住飯焦喫糊.晚晚送碗後, 將飯焦鏟起,以飯籮吊係廚房中央,防畀老鼠偷食.

一晚發覺籮内飯焦 , 冚辦闌被偷. 大發牢騷, 但係冇人認,

亞均冇謁, 以為一兩晚, 有乜所謂, 點知晚晚如事,飯焦吊起,朝早冇矖. 心諗飯籮吊高 老鼠偷食? 吾!有古怪,埂係有伙計半夜偷食. 喫左吾認賬. 好, 吾出聲住, 今晚吼嚇你, 睇過邊個甘抵死至得.

當晚亞均照例吊起飯焦, 壹入黑, 揸定菜刀, 伏係廚房門內, 預備吼到天光, 吼到你.有你冇我, 一刀做瓜你至得.

亞均一直伏到三更後, 夜闌人静, 廚房出面有輕輕脚步, 由遠而近, 𦲷嘞, 揸定菜刀, 扎起尸阿屙死馬. 預備一刀斬落. 哦㖇, 腳步蒞到廚房外,廚房門𠵱一聲, 行入條細孥, 十二三歲, 著件紅衫, 梳丫角髻, 望一望飯籮, 吾够高, 擔兩張凳仔駁高企係凳上, 掹住飯籮,拿飯焦喫, 嗒嗒聲.

亞均一睇: 嘩! 你條細孥, 吾係本庫夥記. 三更半夜, 邊庶走蒞, 睇你係人定係鬼, 晚晚偷我飯焦. 勢係假, 揪住你先. 大呌一聲. 從門內撲出, 左手揪住細孥條頸, 右手舉刀正想斬落,

細孥突然跪低哀求: 大佬, 畀嚇面, 肚餓啫, 吾好殺我.

亞均: 你係人定係鬼, 係邊庶蒞.

細孥: 非人非鬼, 總之宜家唔話得畀你知, 你如果放左我, 一定報答你.

亞均: 咁晚晚整清我D飯焦, 我老婆仔女, 靠曬飯焦喫糊.

細孥: 我再亦吾蒞, 但係你都冇飯焦喫.

亞均手一松, 蔔一聲, 條細孥吾見左, 以為撞鬼, 頭發竪起, 䢰翻床, 大被冚頭.

第朝亞均起床, 見庫內人人頭插小紅旗, 哇! 問佢地都話見吾到. 咦! 咪住先, 揾塊鏡照照, 好彩頭上冇插旗. 心定翻D.

拎翻飯籮.去普君墟買餸,行到文塔腳.轟!一聲巨響,天崩地塌,磚石橫飛,火藥庫爆炸,庫內火藥眾多,威力巨大,升起蘑菇雲.

亞均大难吾死,翻去視察,庫內化為瓦礫,百幾工仔, 血內橫飛, 屍身拋至幾里, 掛係樹枝.

事後冤鬼日夜哭泣, 打風落雨, 鳴,遠近皆聞,附近蔗圍,鎮安等鄉民,醵資超度,且係原址庶起間主帥廟鎮壓.

武當高手『雲海道人』 『呂文英』 『呂寄塵』三條友係歸德門, 暗殺『洪熙官』, 點知畀『洪熙官』 打傷『呂文英』殺出包圍.

第朝『雲海道人』仝『呂寄塵』『譚鳳兒』『李就』等武當高手,去『大佛寺』『踢盤』.

『呂寄塵』企系天井庶掗掗拃拃大叫:『洪熙官』出蒞,『吾係猛龍吾過江,吾係毒蛇吾打霧』 ,『吾係魚死就網爛 吾係盤爆就箍裂 吾係你瓜就我生』.

當晚『博流』𢴇埋銀兩, 漏夜棚尾拉箱. 趯路『八排山』隱居.趯到梧州. 係客棧住落.客棧隔籬有間『嚴貳記』豆腐鋪.

五鼓隱约聽呼喝聲, 聲音蒞自係客棧後欄, 『博流』行出客房企係欄門, 一個男人打功夫. 拳馬稳健. 出手虎虎有聲, 原蒞係客棧老細, 年過四拾, 虎頭燕頜, 力大氣雄.

地上石鎖有三拾斤, 五拾斤, 八拾斤, 壹百斤, 百五斤.

老細一手一個先執五拾斤石鎖,再執壹百斤,上下舞動如飛.『博流』心諗老細硬功犀利,橋力驚人.

天色大白, 老細發覺 後面企住個後生仔, 舉手作揖: 客人吾知有麼事.

『博流』: 老細功夫犀利. 細佬 佩服 .

两人轉到客廳, 大講武林秘史, 两人仝聲仝氣. 又岩傾.

『博流』: 細佬自幼愛攻夫, 一直尋訪名師,  老細收细佬收徒弟.,

『客棧老細』: 我功夫膚淺, 仲系求學階段, 邊敢學人收徒弟.

人怕,樹怕西, 『博流』苦苦央求,

『客棧老細』: 即然把打有心學功夫,等我介紹隐世高手畀你, 佢行為低調, 鋒芒吾露, 韜光養晦,冇人知佢身懷絕世功夫, 未見過佢收徒.

『博流』開心大喜: 佢係邊遮,即刻介紹畀我.

『客棧老細』: 遠在天邊近在祇尺. 就隔離『嚴貳記』豆腐鋪. 兩父女經營. 老竇呌『嚴貳公』,年近陸拾,童顏白髮.獨生女『嚴詠春』拾捌歲. 姿容秀麗. 人見人愛, 身懷絕世功夫, 三五拾人埋到身,

『博流』: 嘩, 一個女仔功夫咁犀利.

『客棧老細』: 駛乜講, 詠春斬柴吾使刀, 手刀一劈. 手爪甘粗都斬斷.

『博流』: 咁點拜豆腐佬為師?

『客棧老細』: 把打草過心抱未?

『博流』: 末. 細佬仲係青頭仔.

『客棧老細』: 咁就恭喜賀喜. 把打帮你做媒人,草詠春做心抱. 咁先學得絕世功夫.

『博流』: 靠曬把打做媒人, 草詠春過門, 封大利事畀你.

『客棧老細』: 你住係庶, 認係我表弟, 今晚係庶擺翻圍酒.請『豆腐佬』蒞飲, 畀人一個好印像, 千祈冇心急.

老細劏雞劏鴨,買兩樽靚酒,請『豆腐佬』過蒞 前吩咐 : 等陣喫飯, 吾好亂講, 禮貌 要斯文D.

『客棧老細』行去隔離『嚴貳記』,『豆腐佬』係度磨豆腐,齋睇石磨至小三百斤. 紮正四平大馬, 右手𢴇石磨柄耳推動石磨. 左手放豆入石磨, 壹睇就知內力極深,橋手堅硬,壹定係高手.而『詠春』劈柴, 手刀一劈即斷, 手指逐條撕開.『詠春』再用布袋隔豆槳. 所以整豆腐特別幼滑.

『客棧老細』: 咦, 詠春姪女, 乜咁好幫帮手.

『詠春』: 世伯, 乜咁好蒞坐下.

『客棧老細』: 稳你老竇飲酒.

『嚴貳公』出聲: 請我飲酒?

『客棧老細』: 有個表弟蒞探我, 劏隻靚雞. 稳埋你飲杯, 得吾得閒.

『嚴貳公』: 有得喫, 時時都得閒.

『嚴貳公』即刻洗手, 並吩咐詠春 -D豆腐落鑊蒸熟應市. 仝『客棧老細』翻去客棧. 『博流』坐係庶, 諗緊默應付豆腐佬. 見 『客棧老細』仝亞伯行入蒞, 年近陸拾. 童顏白髮. 精神矍爍. 心諗壹定係『豆腐佬』, 起身招呼. 『客棧老細』介紹『梁博流』係表弟, 蒞辦貨. 『博流』態度謙恭.杉杉有禮, 『豆腐佬』對『博流』印象良好. 三人盡歡而散.

『博流』知『豆腐佬』鐘意飲酒, 特登買兩埕迴龍酒送畀『豆腐佬』. 過左半載. 『博流』托『客棧老細』做媒提出草詠春過門:

『嚴貳公』: 我年過六十得一粒女, 吾想姖嫁甘遠.

『博流』: 我入贅, 生養死葬, 跟詠春改姓嚴, 嚴博流.

『嚴貳公』見博流甘有誠意,應承頭婚事. 着手籌辦婚禮.

入贅當日, 八音齊奏, 新郎新娘拜過『豆腐佬』,送入洞房. 詠春雖然勇孟絕倫, 此终係女仔有幾怕羞, 薄紗遮面, 坐係床邊, 燭光之下, 詠春 粉頸雪白,脈脈含情, 面珠墩有两個小酒粒.

『博流』心諗今次得米. 草到個靚老婆. 行埋詠春側近, 手搭香肩, 細聲咬耳仔:

詠春妹, 夜啦,日頭應酬親友, 攰早D休息.

『詠春』低頭吾應, 『博流』伸手攬腰, 除去鳳冠. 梳著墜馬髻. 秀髮幽香, 直透丹田. 心怦怦跳. 『博流』細聲: 夜深老婆早D休息.

『詠春』微微點頭. 除大紅禮服, 『博流』躍馬揮弋.

『詠春』舉手遮攔: 老公, 我聽老竇話, 下嫁畀你. 眞係三生有幸. 祗係我地嚴家, 有個習慣. 初婚之夜, 試試你功夫, 再行洞房.

『博流』: 小生 曾跟過名師學功夫. 㸃試法? 係後園?

『詠春』笑: 傻 嘎乜. 宜家吾係上陣打仗. 我瞓係床 合埋雙比腳, 擘得開你點得, 擘吾開喫自己.

兩腳伸掂, 合櫳成一字. 『博流』壹睇, 脚瓜瓤 香鷄甘幼. 自己吾係大力, 百斤石鎖話舉就舉.

跪係詠春腳下, 一手執一隻, 盡力向左右擘. 點知詠眷大比好似鐵鑄, 郁吾得其正, 心諗跪係床止, 發吾到力.

踎係詠春腳下, 出力再擘, 郁都吾郁.

『博流』: 老婆, 係床上發吾到力, 掉轉個身, 雙腳向床口, 我企係地發力, 一定可以擘得開.

『詠春』: 又好睇你得吾得.

於是『詠春』轉身,頭向裹,腳向外. 『博流』企係床口, 立正四平大馬, 將詠春成個的起,一碌竹甘,壹樣擘吾開. 『詠春』係度kiki笑. 『博流』唯有放低『詠春』.

『博流』摊係椅上, 唞大氣. 睇望住詠春, 睇得吾喫得.

『詠春』吾忍心. 行埋『博流』安撫: 傻仔,吾使心急, 假以時日, 终得以慰藉,夜深人靜,早d瞓.

『博流』垂頭喪氣, 洞房花燭,有名冇實,乾煎成晚.天未光,去舉石鎖練橋力. 准備今晚覆灼. 係地堂上下揮動石鎖, 自覺橋力吾弱, 㸃解哀係詠春對大比度.

聽到新外父『嚴貳公』: 亞流, 未天光,甘勤力.

『博流』滿面羞愧, DU低頭吾出.

『嚴貳公』睇到甘,撚鬚微笑: 好女婿, 我知拉, 琴晚冇洞房.

『博流』低聲: 詠春动夫腰馬使得, 合埋大比, 擘極擘吾開, 講蒞都奇,我橋力有百斤以上, 點知擘極都吾都, 咪早D起身練橋力.

『嚴貳公』: 亞流, 等我慢慢教你, 橋力通過舉石鎖練, 純係外功, 力猛極都有限.. 而詠春運用內功, 運氣係大比. 三四百斤橋力,都擘吾開.

『博流』: 咁咪成世喫自己.

『嚴貳公』: 內功運氣, 係運丹田氣. 丹田氣一洩當堂擊破. 人身陸拾肆㸃動脈, 最薄弱係腰身. 畀隻鐵蒺藜你. 一篤腰身丹田氣即散. 大比一擘就開.

『嚴貳公』翻房拎隻鐵蒺藜畀『博流』, 『鐵蒺藜』用 四鋼製尖銳組成, 吉亲痛死.『博流』收埋係衫袖, 施施然當冇野.

『博流』天黑即返新房: 『詠春』我今日練左成日石鎖. 橋力大增. 今晚實擘開妳.

『詠春』笑笑口: 甘心急,今晚仝琴晚咪一樣. 練一日石鎖,想擘開我.

『詠春』上床掂訓, 『博流』飛身上馬. 右手撫摸腰身, 拎『鐵蒺藜』擺係『詠春』腰側.

『博流』: 准備啦.

『博流』一手執一隻, 將詠春腰身責向『鐵蒺藜』, 腰畀尖銳吉正, 唉喲中氣一洩, 兩脚畀『博流』擘開成大字. 『博流』乘機進馬, 雙手攬住腰身?

『詠春』放軟個身. 『博流』先洞得房.

『金庸』係『神雕俠侣』有『枣核钉』殺人暗器, 極有可能睇左,『我是山人』係 1947年11月8號『廣東商報』發表文章.『牛屎欖核戰勝老教頭』.

古仔記載肇慶洪拳師虎『劉萬慶』,兩臂有五百斤力, 虎尾剪一掌可以打斷大樹. 『劉萬慶』年己過六拾,細個吾讀書, 涵養功夫淺, 行路大摇兼大擺, 一人掗晒成條街, 拾足壹隻油炸蟹.

一日肇慶『劉萬慶』武館門口,響起彭彭打鑼聲,附近D人壹聲鑼聲,知有賣武睇, huhu聲圍埋貳叁百人,蒞左兩姊弟係庶 鳴鑼聚众,家姐廿歲撚單頭棍.着住白色連衫裙,頭插白花,肌膚雪白,笑起蒞有两個小酒粒,似梨花帶雪,今年啱啱拾捌岁.又後生靓女.細佬拾肆伍,企係隔離打鑼.

家姐:伙記慢打鑼, 打得鑼多, 鑼炒耳.

細佬:炒猪耳.

家姐:打得更多, 夜又長.

細佬:炒猪肠.

鑼聲驚動『劉萬慶』出蒞壹睇, 有貳叁百人係庶圍觀, 以鑼聲嘈雜, 上前制止. 細孥吾聼, 『劉萬慶』伸手搶鑼, 細孥一縮係『劉萬慶』脅下穿過, 激到『劉萬慶』翻入武館拎刀,

細孥: 亞伯吾好再蒞, 你打傷我固然吾好, 我打傷你就仲吾好意思.

『劉萬慶』吾聴一刀迎頭斬落, 細孥向外壹跳, 右手係袋拎粒『牛屎欖核』臺飛. 飛中『劉萬慶』左眼, 鮮血淋淋眼核爆出,『劉萬慶』知道今次撞板, 䢰翻武館, 敷藥兩月痊,盲左隻眼, 自此收招牌.

狗肉和尚『真達大師』因為鐘意飲酒, 以少林拳為基礎,自創『大醉八仙拳』.『真達』係『少林寺出家』, 拜『至善禪師』為師.『至善』有心栽培,連雲遊南越三年帶埋『真達』. 等佢細睇人間疾苦.

㸃知『真達』成日偷走私自酿酒,酒後打交,屡誡吾改,終於畀『至善』攀落山.好彩『至善』帶過佢雲遊南越,於事䢰去『羊城』『長壽寺』掛單.

朝朝企係街邊托『托鉢』,抄化所得冚辨闌拎去 『大新街』『楊巷淘沙氹』買狗肉喫酒,人人呌佢『狗肉和尚』.

宜家D人對喫『狗肉』有偏見, 其實『仗義每多屠狗輩,從蒞女俠出風塵』,『樊噲』屠狗 喫『狗肉』,助『漢高祖』定天下. 『狗肉滾三滾,神仙企吾穩』『狗肉』D香氣,令三五知己圍埋傾偈,冇猜冇忌, 喫『狗肉』過程培養仗義之氣.

仲有吾好已為『托鉢』係乞夷,自古以蒞『和尚』靠『托鉢』維生,試諗『和尚廟』擁有大量田地仝香油收入,吾使『托鉢抄化』,㸃知人間疾苦,仲係咪『和尚』.『托鉢』係『日本』『泰囯』尚存.

講翻『真達和尚』有日係『大坦尾』醉酒,聽聞人聲鼎沸, 叱咤之聲, 兵兵崩崩,檯凳横飛, ,.睇蒞兩個字頭傾吾數, 先係釘杯, 跟住郁手,兩邊兩便, 拾幾人,個個飲陪陪夫,放馬過橋,揮拳進擊,生龍活虎,以靜制動,似亂而謹.

於是 参悟而創『大醉八仙拳』.套拳一百零八勢.外功為體,內功為用,『拋掛擒拿』為主,『拳掌橋馬』為副,避實就虛,壹顛壹扑, 以退為進, 誘敵深入, 出其制勝, 功其冇備,

係一百零八勢中. 『拐李失杖』緊接『黄狗射尿』至為獨到,

『拐李失杖』束手徬徨 一顛一仆, 連續退馬, 誘敵埋身.

敵人上當,上馬追擊, 『黄狗射尿』仆街雙手撑扡, 向後起飛腳, 踢正心口, 當堂口吐鮮血瓜得.

『真達大師』後蒞將『大醉八仙拳』傳畀師弟『陸亞采』.

古仔講到依庶.

玖連山少林寺畀白湄馮迫德率清兵 攻破, 至善禪師其中徒弟,『杏隱』殺出重圍.䢰佬南月.匿係羊城西關『華林寺』挂單,隱名埋名.一日『杏隱』係方丈室瞓晏覺. 朦朧中萝見白衣觀音,從天而降仝『杏隱』講: 你功夫日漸荒費,少林派 後䜝冇人,斷子絕孫,今授拳術畀你,發揚光大.

『白衣觀音』係教『杏隱』面前打拳, 手法異常, 至善師虎冇教過, 緊記於心. 學成後驚醒. 拳法凝固腦內.朝朝試練,融會貫通,創立『白衣觀音』派.此派以『童子拜觀音』起手.

『杏隱』數傳至『成恩』.『成恩』晚年, 收黄飛鴻做閂門弟子, 係『華林寺』內教拳. 祗能以竹篾教授, 黄飛鴻苦心練習, 盡得奥義.

『金庸』係『笑傲江湖』『射雕英雄傳』中有『繡花針』殺人暗器, 極有可能睇左,『我是山人』係 1947年11月11號『廣東商報』發表文章.『惠州女俠花針懲劇盜』.

古仔記載鹅城『劉叔保』屘女『劉麗金』,嫁畀商家『趙春庭』,兩公婆搭渡蒞羊城,夜泊係石龍.當時東江匪患猖獗.『飛天火屎』偵查得知『趙春庭』條船食水深,連仝七個馬仔撑艇泊埋夜襲.

『飛天火屎』𨶙單刀, 躍上船逢,寒光一閃,打個冷震,仆街.沙蟬跌落地聲都吾聲.  其它馬仔吾識死, 繼續躍上船逢, 『劉麗金』坐係燈下缝衫.手一揚,一馬仔,喉嚨一痛,又仆街.

其餘六個大呌『水緊撑籠』,走得快好世界,走得摩冇鼻哥. 解維後『趙春庭』即刻『鬆頂』.

朝早鄉人撈起兩人屍身, 喉嚨插花針, 皮肉瘀黑, 花針淬劇毒.

『梁贊』曾仝『紅頭賊』  『陳開』『和尚能』相識,畀仇家 篤背脊,

報告畀『彩陽堂』『千總衙門』『傅贊開』, 『梁贊』係洪門反賊.

『傅贊開』又呌『獨眼龍』, 綠林出家, 畀清兵圍捕, 打傷右眼, 投誠清國, 出任『千總』. 撚一對鐵鐧.

『千總傅贊開』出動『千總衙門』衙差, 漏夜出發, 至普君墟, 出黄傘巷, 轉入桑園公正市, 出快子街. 包圍圍『榮生堂/贊生堂』, 布置衙差係 『快子街』街口.

『千總傅贊開』手執雙鐧, 飛腳猛踢木門 . 冲入『贊生堂』, 『找錢華』仝『猪肉貴』瞓係二樓, 驚醒, 從二樓衝落, 『找錢華』大呌『獅虎水緊撑籠』.

詠春拳王『梁贊』先游對外講逐漸消瘦病死.以而家睇 似係心腦血管病, 導至輕微腦中風.

但係據『我係山人』孝據, 另有內情.『梁贊』身材高大,手急眼快,十個八個埋吾到身. 所以畀仇家穩個十三肆歲『細孥仔』,用『鳳眼拳』蒞暗算佢.

『梁贊』朝朝係『榮生堂/贊腥堂』睇症到晏晝,去『昇平街』『怡心樓』二樓,窗口位飲茶. 睇見細孥仔坐係隔籬,冇唯意,茶博士冲水後,趁『梁贊』舉杯, 細孥仔,右手揸起拳頭, 中指突出, 兜心輕輕一指.『梁贊』即時胸骨粉碎,喉嚨一甜,免强將啖血吞翻落肚, 睇住『細孥仔』『鬆頂』.

『梁贊』免强落樓埋單,撑翻『榮生堂/贊腥堂』即時暈低. 畀人抬翻入去, 『捏人中 捽魂精 搓心口 查藥油 貫羌汤』 救醒. 『梁贊』自知强忍啖血,撑翻蒞. 胸部積瘀. 自此肌肉漸漸消瘦, 三個月後-先游.

『梁贊』過生後『鎖子連環腿』失傳, 連『找錢華』吾識.佢兩粒仔『梁春』『梁璧』折埋『榮生堂/贊腥堂』,去香港發展, 係『乍畏街』經營洋行生意.

梁贊生死之迷講到依庶.

『鎖子連環腿』係少林鎮山奧義之一, 古仔要從『鄺能/和尚能』講起,『鄺能』係南海县大鎮鄉人, 係石湾豐宁寺出家, 『和尚能』師虎 係 少林正宗嫡傅『大德禪師』. 當時『和尚能』學得佢八九成功夫. 祇係有兩手絕招冇教『和尚能』.包括『鎖子連環腿』.『和尚能』又乞又西師虎都吾肯教佢,驚『教識徒弟冇獅虎』.

有日『大德禪師』係企係寺內庶入定『發藕竇』,『和尚能』静静雞係背後偷襲, 一拳兜背脊.『大德禪師』醒水, 一轉馬同時起飛腳. 掃正『和尚能』大比,『錄錄錄』錄出兩丈.

『和尚能』跪地下拜:多謝師虎教我鎖子腿.

『大德禪師』睇住『和尚能』, 知佢係想學『鎖子腿』: 算拉…将『鎖子連環腿』腳法教畀『和尚能』,『鎖子連環腿』專破『鐵沙掌』,分陰陽兩腿, 上身吾郁, 陽腿飛起,專踢腎囊-引人防禦,分散心神, 陽腿未落, 陰腿連續飛起, 陰腿專踼中路,睇下踢正邊庶:

踢正大比: 腰馬好仲免企強得住, 吾係錄開兩丈.

踢正肚腩: 至小內傷.

踢正𣚺袋: 即瓜.

陰陽互用, 虚實相乘, 變化冇窮,檔到吾檔到.

練『鎖子連環腿』先吊起兩百斤大沙包. 係沙包下面劃圓圈,標記𣚺袋, 日日踢沙包練腳力.練到上身吾郁, 一腳飛起, 沙包當堂飛起半空, 跌落蒞再加一腳. 沙包又飛起, 起腳冇影.仲要腳腳踢正圓圈.

『和尚能』『陳開』『李文茂』發動洪門起義. 係佛山防守战『和尚能』中箭玉碎.

係起義前『和尚能』將『鎖子連環腿』傳畀『梁贊』,以免失傳.

但係『梁贊』死得突然,過生後『鎖子連環腿』失傳. 連佢粒細仔『梁碧/碧腥』都吾識.

『鎖子連環腿』講到依庶.

『梁贊』除『詠春拳』之外,仲有套『三連拳』,僅三馬三手,連環使出,一氣呵成.系少林拳演進蒞. 相傳『梁贊』至多出到第二手,對手瞓低.

第一式『獨鑽花心』-左拳護胸,右踭兜『心口』一踭.

第二式『單拳劈虎』-以右踭為支撑,右拳成半弧形,由上望空掛落, 打『眼鼻口胸』.

第三式『旱雷冲天』-右拳掛落之後 ,順勢向上冲.兜『下巴』.

三手連住使出 等我諗翻細個玩拳皇.

『梁贊』係晚年,係『榮生堂/贊腥堂』仝人睇跌打,畀『獨眼龍』黃伍暗算,以三飛梅花袖箭打正左手瓜.『梁贊』忍痛 標埋身使出『三連拳』, 首先『獨鑽花心』之勢未完緊接『單拳劈虎』.『獨眼龍』即時『眼鼻口』標血.『梁贊』收手冇出『旱雷冲天』, 吾係『獨眼龍』當堂冇命.但係『梁贊』收手都要冒險,如果『獨眼龍』即時反擊,死噶就係『梁贊』.

之所以做到幾招內制敵,講蒞講去都係要『橋手』够硬.甘點先够硬?

『梁贊』師虎『梁博流』示范吆呌『橋手』,右手𢴇柴,條柴好似細孥仔手瓜甘粗,左臂暗注內力.壹野扑落左手,條柴扑壹聲折斷.

三連拳講到依庶.

『詠春』拳館祖師排位,『梁二梯』『黃華寶』傅畀『梁贊』,『梁贊』傅畀『陳華順/找錢華』,『陳華順』傅畀『葉繼問/葉問』,咁『梁二梯』『黃華寶』師虎就冇寫.

『詠春拳』係『禪城』繁衍靠『梁贊』.

『梁贊』原名『梁德荣』,『贊』係佢學名,大戶人家少爷仔又呌『乜官物官』, 所以『梁德荣』又呌『贊官』.

『梁德荣』排第二孻仔.大佬『梁德男』,『堂大佬』『梁德志』『梁德源』.

『梁德荣』祖籍鹤山古劳,屋企係『禪城』『清正街』,係『快子街』開藥材鋪『荣生堂』,賣藥兼睇鐵打.月語人名飆高两個音,人人呌佢『贊腥』.所以『荣生堂』又呌『贊腥堂』.

『嚴詠春』老公『梁博流』翻去鄉下, 將『詠春拳』傳畀疏堂姪仔『梁贊』.『梁贊』後蒞識左『梁二娣』, 兩人交换绝技, 『梁贊』學左『六點半棍』,『梁二娣』學左『詠春拳』. 之後識埋『黃華寶』學埋『雙飛蝴蝶掌』. 又跟『和尚能』學『鎖子連環腿』.

『梁贊』有兩粒仔『梁春』『梁碧和/璧腥』, 得意弟子『陳華順/找錢華』, 『陳桂/猪用桂』.『梁奇/流氓奇』. 『詠春拳』係『禪城』繁衍 .

甘『梁二梯』『黃華寶』師虎係邊個? 據『我是山人』考據,當時戲班子弟屬於『洪門』學『洪拳』. 源蒞『梁二娣』『黃華寶』師虎係『至善禪師』,『至善』係玖連山『少林寺』開山,即係『少林派』,成為反清复明總機關.乾龍末年『少林寺』畀清兵燒燬,『至善禪師』仝『洪熙官』殺出重圍.趯佬南越,匿埋係紅船做煲頭, 係紅船期間 『至善』收兩個徒弟『梁二娣』『黃華寶』. 呌『洪熙官』做師兄.『洪拳』仝『洪門』係壹體兩面.即係話佢地兩位都係『洪門』.傳『梁二娣』『六點半棍』. 傳『黃華寶』『十八手羅漢伏虎拳』『蝴蝶掌』. 兩個一個學棍, 一個學拳, 各有所長. 所以紅船戲班開演人山人海一票难求.點解甘旺場? 因老倌大『打真軍』.點樣『打真軍』法? 傳說『關二哥』錄『關刀』吾係重,得八亞二斤, 大老倌佢又去打錄八亞二斤『關刀』.兩個『老倌』兩支『軍器』,夾埋百幾斤,係庶『傾傾昆昆』.戲棚散甘濟.邊有吾旺場?

咸丰四年-儒略歷1854年,『陳開』白晝獄官, 夜晚洪門『洪順堂』大佬. 得知『洪秀全/全哥』係金田起義,之後仲係金陵建立『太平天國』.

『陳開』知道時機成熟,連仝 二花面『李文茂』, 『豐寧寺』主持『鄺能/和尚能』三人密謀 决定發動洪門起義. 『和尚能』議定作戰戰略『拜佛』『劏羊』『擒龍』.

咸豐四年六月十一日即係1854年7月5日,主帥『陳開』領率『洪門子弟』,副帥『李文茂』領率『梨园子弟』,『和尚能』軍師.

首戰『拜佛』壹日 占領『佛山』, 『和尚能』以『塔坡寺』為本陳. 發動『劏羊』作戰. 兩廣總督-湖南佬葉名琛-閉城待援,羊城城高糧足,圍城失利.退守佛山,係佛山防守戰『和尚能』中箭玉碎.

『陳開』仝『李文茂』退出禪城,轉戰『三水』『肇慶』.葉名琛下令火烧『塔坡寺』,拆『瓊花會館』禁月劇唱月劇都瓜得,大規模捕殺『洪門』余党.

『梁贊』生於道光五年即係1825年,死於1894年日. 享年六十有九.

『陳開』係咸豐四年即係1854年發動洪門起義.『梁贊』當年29歲.

如果『梁贊』師虎係『梁二梯』師伯『黃華寶』.甘『梁贊』必定係『洪門弟子』.『梁贊』跟過『和尚能』學過『鎖子連環腿』. 識吾識『李文茂』『陳開』?

首戰『拜佛』係正佢面前發生.事先『梁贊』知吾知,有冇預埋佢,定係個個满住佢? 如果有份,謀逆死罪㸃甩身?

『梁贊』古仔講到依庶.

關於『詠春』記載好小,據『我是山人』考據,『詠春』姓嚴,佢老竇自然都係姓嚴, 兩父女開豆腐餔,『詠春』嫁畀 老公姓『梁』, 叫『梁博流/梁博球』.

『詠春拳』係慢慢逐漸成形.傳到『嚴詠春』–『小練頭』『沉橋』『標指』基本成形.

甘『詠春拳』係點演進? 講翻『法海禪師』有伍個入室徒弟,分别『五枚』『白眉』『至善』『馮道德』『李巴山』.『至善禪師』叫『五枚師太』做大師姐. 所以『詠春拳』仝『洪拳』係『少林拳』演進出蒞.

大師姐『五枚師太』隱居大理『白鶴庵』, 話就話隱居,實際逃避清國輯捕. 『白鶴庵』之所以呌『白鶴庵』, 源於『五枚』 得閑係山睇白鶴捉蛇.鶴嘴一啄,條蛇即時 『眼癱癱成個吾盏,走去閻羅王賣鹹鴨蛋』.通過模仿『鶴瓜』『鶴嘴』『震翼』動作 ,悉心鏄研,成為今日『白鶴派』,『五枚』係桂境雲游 ,收『苗順』做徒弟,教佢『白鶴拳』. 而『苗順』将『白鶴拳』同自身功夫融合演進,自成一家.

『苗順』傳畀徒弟『嚴二公』,『嚴二公』排第二得粒女『嚴詠春』,開『嚴二記』賣豆腐,『嚴二公』收留『梁博流』.仲將粒女『嚴詠春』嫁埋畀佢. 再由『嚴詠春』傳畀『老公仔』『梁博流』.『嚴二公』過生後,折埋『嚴二記』翻去鄉下.

『梁博流』再将『詠春拳』傳畀疏堂姪仔『梁贊』. 『贊仔』係『佛山』『快子街』『杏濟堂』開藥材鋪,賣藥兼睇跌打. 因為月語人名飆高两個音,人人呌佢呌『贊腥』. 『杏濟堂』又呌『贊腥堂』.

『梁贊』将『詠春拳』發揚光大.

『嚴詠春』『橋手』練到好似鐵甘硬,以『沉橋標指』壹招制敵, 但係傳到『梁贊』多三味少林絕技.『六點半棍』『雙飛蝴蝶掌』『鎖子連環腿』.以『蝴蝶掌』壹招殺敵.

二花面『梁二娣』年老照例入住佛山大基尾瓊花會館, 識左『梁贊』, 以『棍』换『拳』, 『梁贊』學左『六點半棍』,『梁二娣』學左『詠春拳』.之後識埋武生『黃華寶』學埋『雙飛蝴蝶掌』. 又跟和尚能『悟能』學『鎖子連環腿』.

『梁贊』 傳畀得意弟子『陳華順/找錢華』

『找錢華』傳畀閂門弟子『葉繼問』.

詠春源起 大致係咁樣.

『蔡彪』當年逼『梁博流』離開『肇慶』, 『梁博流』趯路苦練詠春, 後蒞寄居禪城, 『蔡彪』得知後山長水遠蒞禪,挑剔赶絕『梁博流』,『法蘭西皇帝-費撚事傾』. 『贊生堂』逼夾,聽朝係『祖廟』戲臺决闘.